Lacón troceado ao baleiro

En Cárnicas Fontefría elaboramos este lacón troceado ao baleiro pensando naqueles consumidores que non precisan mercar un lacón enteiro. Este produto mantén os mesmos estándares de calidade Fontefría.

Ao lacón troceado ao baleiro aplícaselle o mesmo procedemento que ao lacón curado enteiro. A diferenza é que, tralo proceso de curación, a peza enteira córtase en anacos, os cales envasamos ao baleiro. Un detalle pensado para adaptar o produto ás necesidades de cociñado en cada momento.

Gracias ao sistema de elaboración que seguimos, mantemos o sabor tradicional deste produto con arraigo na gastronomía galega. Buscamos ofrecer un produto artesanal 100%. Respectamos a herdanza dos nosos antecesores, tanto na maneira de facer como na de curar e conservar cada peza. Polo que obtemos un alimento curado cunha fácil conservación, xa sexa en refrixeración ou non. Recomendamos que, no caso de gardar en interior de mobles ou estantes, sexa o máis lonxe posible dunha fonte de calor e iluminación directa, a poder ser con ventilación.

Ingredientes:

Lacón de porco, sal, destroxa, ascorbato de sodio (E-316), nitrato de potasio (E-252), nitrato de sodio (E-250) e antiaglomerante (E-504).

Podes comprar para consumo o noso lacón troceado ao baleiro de porco na nosa carnicería online con toda seguridade. Non contén ningún ingrediente susceptible de causar alerxias ou intolerancias alimentarias segundo o Regulamento nº1169/2011 do Parlamento Europeo e do Consello do 25 de Outubro de 2001 sobre información alimentaria facilitada ao consumidor.

Características organolépticas:

Cando recibas o lacón troceado, por mor da aplicación do sistema de baleiro, verás incrementada a cor e a textura. Mais no momento en que abras o paquete, o lacón recuperará a súa consistencia normal, a cal será dun aspecto limpo, resultando firme ao tacto. A graxa será consistente e terá unha cor branca, o que contribuirá a darlle un agradable aroma e sabor. A súa masa magra é rosada, de aroma suave e lixeiramente salgada.

Recomendacións de consumo:

Para o seu consumo, recoméndase cociñalo. Previamente, pode necesitar un proceso de desalgado: o mesmo levarase a cabo nun recipiente que che permita cubrir a peza con auga. Ao ser unha anaco máis reducido, o tempo será menor que para o lacón enteiro.

Dado o tamaño deste produto, recoméndase empregar para cocer. Como, por exemplo, para un lacón con grelos ou un caldo ou cocido. Recorda que podes mercar a peza enteira na nosa carnicería online.

Lembra consumir a cantidade diaria recomendada de carne para manter unha dieta sa e equilibrada segundo a Organización Mundial da Saúde.